مستقبل کے تعمیری و ترقیاتی منصوبے

اپنی بے مائیگی کے باوجود جامعہ فرزندان اسلان کی دینی تعلیم و تربیت کی راہ کی ساری دشواریوں کا سامنا کرتے ہوئے اپنے مقاصد اور نصب العین کو پورا کرنے کی کوشش کررہا ہے لیکن اس کے ساتھ اس میں بہتری پیدا کرنے اور کارکنان جامعہ کو مزید سہولت فراہم کرنے کیلئے جامعہ کے پیش نظر چند تعمیری و ترقیاتی منصوبے بھی ہیں جن میں ممکنہ تعاون کرنا اور ان کو پایہ تکمیل تک پہنچانا ہر غیرت مند مسلمان کا دینی، ملی و اخلاقی فریضہ ہے۔ جن میں جامع مسجد کیلئے سولار سسٹم کی تنصیب، اسٹاف کوارٹر کی تعمیر، ٹیکنیکل انسٹی ٹیوٹ کا قیام، ٹیچر ٹریننگ سینٹر شامل ہیں۔ اسی طرح جامعہ ہذا میں حکومت مہاراشٹر سے منظور شدہ غیر امدادی اسکول قائم ہے جہاں آٹھویں جماعت تک عصری تعلیم کا نظم ہے نیز نویں سے بارہویں تک حکومت مہاراشٹر سے منظوری کیلئے کاروائی جاری ہے۔

  طلباءکی بڑھتی ہوئی تعداد کے پیش نظر مٹمٹہ پڑیگاؤں میں پندرہ ایکڑ زمین خریدی گئی ہے جس میں جامعہ کے شایانِ شان تعمیری منصوبوں کو پایہ ٔتکمیل تک پہنچانا ہے اس عظیم منصوبے کے سلسلے میں تعمیری و فنی مشورے کیلئے ایک ماہر آرکیٹیکٹ کی خدمات حاصل کی گئی ہیں مجوزہ نقشہ کے مطابق جامعہ کے تمام تعمیری منصوبوں کی لاگت کا منصوبہ کئی کروڑ ہےتاہم سرِ دست اس زمین کے اطراف باؤنڈری وال تعمیر کرنے کی اشد ضرورت محسوس کی جارہی ہے جس کیلئے اہلِ خیر حضرات سے خصوصی توجہ کی پرخلوص درخواست ہے۔اس کے علاوہ ہرسول کے علاقہ جٹواڑہ میں ایک اللہ کے مخلص بندے نے ایک ایکڑ زمین مدرسہ کیلئے وقف کی اس زمین پر باؤنڈری وال کیساتھ ساتھ ایک مسجد تعمیر کی جاچکی ہے اور اب علاقے کی ضرورت کے پیش نظر تعلیم نسواں کیلئے جامعۃ الطیبات کی عمارت کی تعمیر کا منصوبہ زیر غور ہے۔ تمام اہلِ خیر حضرات سے دامے، درمے، سخنے تعاون کی پرخلوص درخواست ہے۔